Аконкурс рхы аладырхәыр рылшоит иреиҳаӡоу аҵара иалгахьоу, аҳәынҭқарратә контрольи, аекономикеи, афинансқәеи рганахь ала азаанаҭтә азыҟаҵареи аԥышәеи змоу атәылауаа.

      Аконкурс зҽалазырхәырц зыӡбаз атәылауаа иааргароуп абарҭ адокументқәа

      а ) Аконтрольтә палата Ахантәаҩы ихьӡала арзаҳал, аимадаразы аҭел аномер арбаны;

     б) арезиуме, ҩыратә формала;

     в) Аԥсны Аҳәынҭқарра атәылауаҩ ипаспорт ахкьыԥхьаа (акопиа);

     г) иахәҭоу азаанаҭтә ҵареи, аусуратә стажи, аквалификациеи шьақәзырӷәӷәо адокументқәа рыхкьыԥхьаа.

      - Адокументқәа рыдкылара мҩаԥгахоит 2022 ш. нанҳәа 10 инаркны нанҳәа 19 рҟынӡа, абри аҭыӡҭыԥ ала4

     Аҟәа ақалақь, Воронов имҩа 19 А

     асааҭ 9. 00. инаркны 18.00 рҟынӡа.

      Аилыркаара аиуразы шәадҵаалар шәылшоит Аконтрольтә палата адкыларҭа абри аҭел ала +7 (940) 229-48-38