Аԥсны Аҳәынҭқарра Аконтрольтә палата аделегациа XXVIII Петербургтәи жәларбжьаратәи аекономикатә форум (ПМХР-2025ш) иалахәуп. Аделегациаҿы иҟоуп: – Аконтрольтә палата Ахантәаҩы – Пертаиа Каха Заур-иԥа, аудитор – Чирикбаиа Инга Витали-иԥҳа, аппарат анапхгаҩы – Цәышба Саид Игорь-иԥа, аинспектор хада – Аҳәба Асҭамыр Георги-иԥа.
Афорум мҩаԥысуан рашәара 18 инаркны 21-нӡа Санкт-Петербург ақалақь, Аконгресстә-цәыргақәҵатә центр «Експофорум» аҿы. Афорум аҳәаақәа ирҭагӡаны, Аконтрольтә палата аделегациа ахаҭарнакцәа рҽаладырхәит Урыстәыла Афедерациа Аԥхьаӡаратә палата имҩаԥнагаз асессиа. Уи тема хадас иаман: «Аҳәынҭқарратә аудит аԥеиԥш азхәыцра: аҿиара априоритетқәа».
Абри афорум алахәхара Аԥсны Аконтрольтә палата ахаҭарнакцәа аҭагылазаашьа рнаҭеит жәларбжьаратәи аимадарақәа рырҭбаареи, егьырҭ атәылақәа рҟынтәи ркаллегацәеи дареи рыбжьара аԥышәа аимдареи рзы. Уи хықәкы хадас иамоуп афинанстә контроль ҳаамҭазтәи аметодқәа Аԥсны ралагалара.
Аконтрольтә палата Ахантәаҩы далахәын, иара убасгьы, Афорум апленартә еилатәара. Урыстәыла Афедерациа Апрезидент Путин В.В. Афорум аҟны иқәгылараан иҳәеит, Урыстәылазы даара акыр шаҵанакуа адунеи аҿы имҩаԥысуа аглобалтә ҽеиҭакра раамҭазы атәылақәа рыбжьара аиҩызареи аусеицуреи рырӷәӷәара.
Делегация Контрольной палаты Республики Абхазия принимает участие в XXVIII Петербургском международном экономическом форуме (ПМЭФ-2025)
В составе делегации - Председатель Контрольной палаты Каха Зауриевич Пертая, аудитор Инга Витальевна Чирикбая, руководитель аппарата Саид Игорьевич Цишба и главный инспектор Астамур Георгиевич Ахуба.
Форум проходит с 18 по 21 июня в г. Санкт-Петербурге на площадке Конгрессно-выставочного центра «Экспофорум». В рамках Форума представители Контрольной палаты Республики Абхазия посетили сессию Счетной палаты Российской Федерации на тему «Взгляд в будущее государственного аудита: приоритеты развития».
Участие в ПМЭФ-2025 позволит представителям Контрольной палаты Республики Абхазия расширить международные связи и обменяться опытом с коллегами из других стран с целью внедрения современных методов финансового контроля в Абхазии.
Председатель Контрольной палаты Республики Абхазия принял участие в пленарном заседании Форума. Президент Российской Федерации Владимир Владимирович Путин, выступая на пленарном заседании сессии ПМЭФ-2025, подчеркнул важность стремления России к укреплению сотрудничества и диалогу между странами в условиях глобальных изменений.
