Диит лаҵарамза 20, 1981 ш. Аԥснытәи АССР, Очамчыра араион Актәи Бедиа ақыҭан.

1999 ш. азы далгеит Очамчыратәи абжьаратә школ Nº2.

2001 ш. азы ибзиаӡаны далгеит Аҟәатәи иҷыдоу амилициатә школ.

2001 ш. азы Очамчыратәи Аҩныҵҟатәи аусқәа рраионтә ҟәшаҿы аопер изинымч иман.

2004 ш. азы Урыстәыла Аҩныҵҟатәи аусқәа рминистрра иатәу Удмуртиа Ареспубликаҿы азини анапхгараҭареи Ракадемиа далгеит, «Азиндырра» ахырхарҭала.

2004 ш. Очамчыратәи Аусеилыргаратә ҟәшаҿы аусеилыргаҩ еиҳабыс дыҟан.

2005 ш.Очамчыра араион апрокуратура аусеилыргаҩыс дыҟан.

2007 ш.Очамчыра араион апрокурор ицхырааҩыс дыҟан.

2008 ш.Тҟәарчал араион апрокурор ихаҭыԥуаҩыс дыҟан.

2009 ш.Очамчыра араион апрокурор ихаҭыԥуаҩыс дыҟан.

2013ш. Санкт-Петербургтәи иҟоу Урыстәылатәи Афедерациа апрокуратура хада академиа иатәу  азиндырратә институт (афилиал)аҿы аквалификациа аизырҳаразы акурсқәа дырхысит «Аусеилыргареи уи ахылаԥшреи»  апрограммала.

2014 ш. Гал араион прокурорс далхуп.

2015 ш.ианашьоуп акласстә чын - аиустициа абжьгаҩ еиҳабы.

2017 ш.Аԥсны  Жәлар реизара депутатс далхын.

2020 ш. Урыстәылатәи Афедерациа Ахада иҟны иҟоу  жәлар рынхамҩеи аҳәынҭқарратә маҵзуреи амагистратура ибзиаӡаны далгеит, «Аҳәынҭқарратәи амуниципалтәи усбарҭа» ахырхарҭала.

2022 шықәсазы ианашьоуп Аԥсны жәлар реизара аҳаҭыртә шәҟәы, ареспублика азакәанԥҵара аҿиараҿы илагалазы

 2022 ш. мшаԥымзазы хатәгәаԥхарала тәанчара дцеит.

Дҭаацәароуп, ҩыџьа ахшара драбуп.